विश्व प्रतिष्ठित Cannes Film Festival मा रोमानियाली निर्देशक Cristian Mungiu को चलचित्र फियोर्डले सर्वोत्कृष्ट फिल्मको ‘पाल्मे डी’ओर’ पुरस्कार जितेको छ।
नर्वेमा बसाइँ सर्ने एक धार्मिक परिवारबीच उत्पन्न हुने मूल्य–मान्यताको टकराव तथा बाल सेवा निकायले बच्चाहरू खोसेर लगेको घटनामा आधारित यो चलचित्रले यस वर्षको कान्समा विशेष चर्चा बटुलेको थियो।
यस्तै, नेपाली निर्देशक Abinash Bikram Shah निर्देशित चलचित्र Elephants in the Fog ले ‘अन सर्तेन रिगार्ड’ अन्तर्गत ‘जुरी प्राइज’ जित्दै नेपाली सिनेमाका लागि ऐतिहासिक सफलता हासिल गरेको छ।
‘इलिफेन्ट्स इन द फग’ कान्सको आधिकारिक छनोटमा पुगेको पहिलो नेपाली फिचर फिल्म हो। चलचित्रले नेपालको किन्नर (ट्रान्सजेन्डर) समुदायको कथा प्रस्तुत गरेको छ।
